【 赛高 影评 】《 剧场版 角落小伙伴 魔法绘本里的新朋友 》治癒感100%!(〃ω〃)

《 剧场版 角落小伙伴 魔法绘本里的新朋友 》治癒感100%!(〃ω〃)

我唔係 角落小伙伴 嘅fans但入到场睇一路都「哇好得意!」咁样仲开心过隔离啲细路仔(*´꒳`*) / 睇完之后都深深明白 角落小伙伴 点解可以俘虏一众少女心,因为呢班匿喺角落头就最舒服嘅一班生物,每一只都好有萌点、有自己嘅性格,甚至反差萌。

故事讲述一众 角落小伙伴 跌入绘本入面嘅世界,穿梭于各个童话故事之间,认识到新朋友小灰鸡,但小灰鸡嘅家到底係边呢?除咗纯粹觉得好得意之外,小朋友都可以透过电影睇到唔同童话故仔,唔知依家啲小朋友仲有无睇童话读物嘅呢…?(sad)

好欣赏美国同日本动画嘅foley同小细节,令本应好平凡嘅画面、故事都会多左笑位,至少就算节奏几慢都好,我作为大人觉得每一幕都好多嘢睇好丰富。粤语版除咗旁白係好好听嘅广东话外,因为 角落小伙伴 係哑嘅关係(喂!),所以佢哋嘅对白会用cute cute繁体字係画面显示,我觉得无违和感,睇得好舒服。

角落小伙伴 其实就係我哋每个人,虽然唔多唔少…有时候…间中…我哋都会搵个角落头 — 自己觉得舒服嘅小圈圈入面匿埋,但如果可以好似套戏咁(被迫)踏出舒适圈,就不妨尽情展开冒险!虽然有时去到某个点会淆底、会惊,但最后个结果都会意想不到(咁好/咁差)呢!

入场人士适合女生群体、一家大细为主。男士陪女友我会非常欣赏但希望入得场就顶晒66分钟佢,唔好训到打晒鼻寒,你话几咁尴尬呢。(我听到隔离行有个佬打鼻寒然后有一吓突然无咗,应该俾佢女友或者老婆鬆咗一踭)

文:sowhatmovie

0
分享到:

评论0

请先

没有账号? 忘记密码?